شاعر اسطال عبدالله الشرقاوي وعبدالله انس الشرقاوي.
(مجنونه صحيح)
***********
الحاجه طماطم عملتها وبقت بفلوس
من بعد ما كان حظها مايل ع الإيد بنبوس
علشان نعمل طبقين سلطه أو حتى غموز
لو تاجر قلتله دى غاليه يضربلك بوز
أو مره نزلت تجيب كيلو يبقى انت كبير
والكل باصصلك ومبحلق ودا أمر خطير
واذا عيل نفسه ف حبايه تنطر وتفش
ونقول دا الكيلو بتناشر مش تلاتين قرش
أغلى من الباميه يا طماطم عشنا وشغنا
أحلف ما تخش البيت أبدا غير لضيوفنا
تقدر تحسب طبق السلطه بيكلف كام ؟!
مقدرش انا اقولك تكاليفه ليجينى زكام
وساعات تتلطع للمغرب عند البياع
ما تلاقى زبون يسأل عنها ولا يوم تنباع
صدق اللى قالوه الناس عنها مجنونه صحيح
واحنا اللى تملى بنعشقها ..لكن مجاريح
ليست هناك تعليقات:
إرسال تعليق