( مش متعوده )
،،،،،،،،،،،،،،،،،،،،،
بعد مداوله تلات تيام
صدر الحكم وهشترى لحمه
ناوى لا هسأل سعره بكام ؟
قلت دا صحبى ف قلبه الرحمه
جزار إنما إيه يا سلام !!
متشوفهوش من كتر الزحمه
*********************
ختلى ساعه واقفلى طابور
على ما اديته ف إيده الميه
وشك ما يشوف الا النور
بص وكشر بحلق فيه
قالى كمان ورقه بعشرين
فينك م الاسعار يا عنيه
*******************
قلت ف بالى أجيب ولا امشى
يعنى العيشه دى حاجه مرار
هيه مفيش غيرها اللى ف جيبى
كنت هجيبها عيش وخضار
قلت انا ما باليد الحيله
هحسب ليه انا ولا احتار !!!!
*********************
وانا من دوشة مخى نسيت
كيلو اللحمه حدا الجزار
بعد ما رحت البيت ورجعت
قمت سألته وانا محتار
برم شنبه بسرعه وقالى
جد كلامك ولا هزار ؟!!
*******************
قلت اليوم ياين م الأول
مش متعوده والله العين
اعمل ايه والحل قولولى ؟
عمرى ما دقتها من سنتين
آجى على نفسى واجيب كيلو غيره ؟!
ولا يقولوا معاه قرشين ؟ !!!!!!!!!!
ليست هناك تعليقات:
إرسال تعليق