(صدمة حب )
ووعدتك انى هكون جنبك
مش هسيبك أبدا وأتخلى
سيبتينى وقولتى ماهوش ذنبك
انا أصلا متصابة بعلة
وبعدتى وقولتى انا مفارقة
ورميتى العشرة ومش فارقة
ومسحتى فى كل الأحلام
اديتك أكتر من حقك
ووعدت لا اسيبك ولا افارقك
ووعودك طلعت اوهام
يا ملاك قد أصبح إنسان
انا عادى وهصبر على جرحك
وهحب وهعشق وأتخان
مش هكدب فعلا وهصارحك
نزلتك من أعلى مكان
انا هكتب من قلبى بيان
ممنوع ع القلب تخشيه
لو حتى هكون زير نسوان
والجرح اللى خلاص سيبتيه
متعلم على كل مكان
وبحق الجرح اللى فى قلبى
والدمع اللى مغرق عينى
لو شفتك يوم ماشية فى دربى
هبعد لو كنتى هتحيينى
انا هرفع شكوى ومن قلبى
ولرب الكون اللى بارينى
اول ما تحنى وتتحبى
تتصدمى فى أقرب إنسان
ليست هناك تعليقات:
إرسال تعليق