كلمات
بعنوان " متدمعيش "
أحبة كنا وكان الي كان
ومات هوانا قبل الاوآن
وكل سنين الحب بينا
اصبحت ذكرى ف مكان
متدمعيش ياعين
ما تبكيش على الي خان
أنسيه وانسي هوآه
وأقفلي وراه كل الببان
وأهي دنيا وبتدور ومسيره
هايجي عليه الدور ويتهان
متدمعيش
متدمعيش ياعين
ياعين بتبكي على مين
ع الي باعك والي سابك
وخلا جفنك نازل حزين
ولا الي عيشك ف خداع
والي باع عشرة سنين
ولا الي قال من غيرك
مش ممكن هاعيش
ولا هابعد عنك حتى
لو كنت مبتحبنيش
فاكرة ياعين كلامه
ولا بتحني لغرام زمان
نسيتي بسرعه كدبه
ولا تعبتي من الكتمان
آه وألف آه
من زلة الانسان
متدمعيش
امسحي الدموع
متبكيش
سيبي الوجع ف
الضلوع ساكن
سبيني خليني
أعيش
خليني أعيد
ترتيب الاماكن
وامحي من عقلي كل حته
مع بعض كان لينا فيها عيش
وابدأ من جديد وف كل
السكك اجري سعيد واطير
فوق كل المساكن
متدمعيش ياعين
متبكيش على الي خان
أنسيه وانسي هواه
واقفلي وراه كل الببان
خالد عبدالناصر العبيدي
١٥/٤/٢٠١٧
ليست هناك تعليقات:
إرسال تعليق