اعتذرتلك وانتِ لسه برضو بترفضى
كنت فاكر لما أقولك مستحيل تترددى
رغــــــم إنك ضعتى منى غصب عنى
فيكِ هأفضل عمـــــرى كلـه فيكِ أغنى
وأحكى للطير المســــــافــر مين فتنّى
وأرسمك جـوا قصــــــايدى حتة منى
ادخلى شوفى مكانك جــــــــــوا قلبى
أنت روحـى أنت أملى أنت عمــــرى
لو تغيبى لحـظة واحـــــدة أحس إنى
الآلام ويا الفراق والشـــــــوق قتلنى
ارحمينى ومش هأقـــــــولك ارجعيلى
بس أرجــــــــــــــــــــــــــوكى تسيبنى
أكتب الشعر فى وصالك طــول سنينى
نفسى أحس إنك يا عمـرى لسه جنبى
هو إيه فى الدنيا أجمل من وصـــالك؟
الحياة دايمـاً بتضحك من جمـــــــــالك
والنجـــــــوم تتمنى لحظة تخش دارك
تبعدى عنى تسيبينى آه يـــــــــا غُلبى
فكرى فى كل كان من حنان أيام زمان
تسمحيلى أرجّع الطير اللى سافر للمكان
اشترى منك يا عمرى لحظة حلوة للأمان
واغفرى كل اللى عـــــــدى امحى ذنبى
أعمـــــــــــــــــــــل إيه فى الدنيا بعدك ؟
انصحينى إزاى أعيش فى الدنيا وحدى
واعتذرتلك ولســــــــــــه برضو واقف
اعتذرتلك يا عمرى أيـــــــــــــوه أسف
كلمة واحدة هتقوليها مـــــن الشفايف
تغير الدنيا يا عمــــــــرى تبقى وردى
اعتذرتلك وانتِ لسه برضو بترفضى
ارجعيلى لسه حبك جــــــــــــوا قلبى
الشـــــــــاعر / ناصر عبد المقصود
ليست هناك تعليقات:
إرسال تعليق