**قصة حب مصريه**
أنا اللّي ناديت
علي جنية اشْعاري
فٙـ جٙتْ تجري طٙوٙاعِيّٙه
ألاعِبها
أدلّعها
اقلّبها علي الجانبين
واراوِدْها
بـ يوسف فِكْر إلْهامِي
فٙـ تِهْواني وتعشقني
وتنده لي
فٙـ أعْصٙاها
وأعْصِمْها
فى فِعْل خطيئة الزاني
تِشد قميصي من دُبْرُه
وتدْخُلْني لْـ شياطينها
فتتقٙطّٙع أياديهم
علي أطباق امانيهم
مكايدهم
واكايدهم
ويبقي السجن أفضل لي
ويحلا لي
أفُك طلاسم الأحلام
و بالأفكار
انا بٙـ ابني مداين
دعوه للرّٙحمن
ويلْهمني وأسْعدِها
أكون دعوه توحّٙدنا
فى قصة حب مصريه
وأحط ف قلع مركبتى
من ْكِتّان جلاليبى
واخدها نيل جري فْـ حُضنى
وأكون ع الصاري حورسها وأحرسها
وأعمل من سنابلها
دهب تاجها
واتوجها بـ فضل الله
وأنا بيدي ف مِـوْاكِبها اسلِّمها
عصاية مُلكٙها قلبي
يكون صولجان
بهيه... عفيه... انسيه
تكون ليّٙا طواعيّٙه
فى أشعاري
بـ بٙردية نواميسها
وصية حب للانسانْ.
ليست هناك تعليقات:
إرسال تعليق