//////حبيبتي
حبيبتي قالت كل حاجه
قبل ماتاخد اي حاجه
ولما مشيت خلاص وراحت
لقيتها سابت كل حاجه
كتبت حروف في ورقه
قالت بحبك والعمر كله
من غير وجودك وقربك
مايساوي حاجه
عاتبتها كنتي ليه خايفه
تتكلمي
كنت حاسك جنب قلبي
بتتألمي
فاكره ولا خلاص نسيتي
اول لقانا يومها سألتك
عارفه يعني ايه قلب يعشق
يعني ايه قلب لقلب كل
لحظه يبقي صادق
يعني ايه احساس من غير حدود
لما تلاقي حتي طيفي عن عيونك
سرحان وغايب
تحسي ساعتها ان غيابه
معاكي فارق
يومها قولتي خايفه ناديتك تعالي
هاتي حضن ايدك مديها بالسلام
الحب مش محتاج كلام
الحب كل حاجه فيه بترجع للامان
وابتسامة صدق بتغنيها الشفايف
بلحن تاني
الحب قلب بين الضلوع تحسيه
حصن ووطن
وعين تشوف منك محاسنك
وايد بتعرف يعني ايه لمسة حنان
الحب عقل بس صدقيني كله جنان
الحب بحر من غير قرار لكن
موجه هادي
بحر يشرب منه اي عاشق
قلبه يرق
بحر شطه الحنان بس من
غير مراسي
الحب دمعه من عين حزينه
زمانها قاسي
الحب ضله من شمس حاميه
وقلب دافي
مهما عدت سنين عليه يزيد
حنانه تحسي امانه
والنهارده انا تاني بندهك
بعلوا صوتي بعشقك بلاش تخافي
قلبي ليكي مهما غيبتي لسه
بالصدق وافي
تعالي قوليلي النهارده انا بسألك
ياتري ياعيون حبيبتي نفسك
بعد غيابك تقوليلي حاجه
ضحكت ضحكه هزت كياني
بهمسه لقيتها لحن واغاني
قالت بعشقك ياعمر عمري ما نسيته
وقلبي علي مر الزمن بيته
وهي دي ياحبيبي في قلبي
كل حاجه
///////// بقلمي
//////// دكتور احمد حافظ
ليست هناك تعليقات:
إرسال تعليق