وجع القلوب
بان في العيون الفاضحه
قادت شموع
نزلت دموع
مش بس قاسيه وجارحه
شايله مرار
جواها نار
وجراح كتيره و واضحه
وجع القلوب
أشواك بتطرح مر وآسي
تٍعمي العيون عن النهار
والضلمه تبقي المبتدا
الشمس تبقي في السما
منورة .. الدنيا كلها
وانت مش شايف غير غيامه
ساجن نفسك في قلبها
الروح تروح .. تملاك جروح
تلقي الحياه وكأنها
شٍبر ميه وآنا فيه غريق
دنا البرئ
كنت جرئ
لكن الوجع
علمني أخاف منها
💔💔💔💔💔💔💔💔
ماهر البساطي
ليست هناك تعليقات:
إرسال تعليق