حياتنا ماشيه كما السيما
فيها ابيض و اسود و بألوان
حدوته جديدة على قديمه
فيلم و مش لاقي العنوان
بدايته طفل و بيعيط
اول ألقابه... الإنسان
و الفيلم رومانسي على اكشن
و كوميدي ف بعض الأحيان
و بطلنا اسمه.. محمود
مينا.... أحمد... أي فلان
اهو اسم مكتوب ف سيناريو
و دوره طيب... شقيان
بطولة ب تبدأ بطفولة
و كله بوقت و أوان
حدوته معاده بتتكرر
و الفرق دايماً ف مكان
و لكل حكايه في نهاية
بترجع تتعاد ف زمان
و هنفضل نحكي الحدوته...
طول ما هو في الانسان
سيد صادق
ليست هناك تعليقات:
إرسال تعليق