مما كتبت ...محمود ابومسلم 30|4|2017
انا المصرى اللى طفح بيا الكيل ...واقول حسبى الله هو الوكيل
من وكيلى غيره هو .....لو مشيت انا الف ميل
هو حامينى ومدفينى ......ومغطينى صبح وليل
انا المصرى ليه بنقول طفح الكيل
ما هو انا عايش عيشه كريمه كأنى فى جيش
لا فيه كارته تلم فلوسنا ولا مساجين نايمين عالخيش
ولا متمرمط فى عز البرد من قبل الفجر فى طابور العيش
وحتى ولادك بعد التعليم فى وظيفه كريمه بتأكل عيش
سيبك م اللحمه والبط البلدى وبطل تبذيرده اكل الجيش
كل انت الفول ده أكل الغول ما تقولش دا ليش
وعيش فى بلدنا عيشه كريمه تحت الكوبرى ملفوف بالخيش
او على اى رصيف اقعد واتسلى فى اى مجله والعب شيش بيش
م انت الفاضى زى القاضى دى قاعده ودى قاعده بس القاعده فرقها فيش
انت سوابق من درجة فقر وده فيشه نضيف بينام عالريش
من عيله كريمه مش ابن كريمه يا ابن كريمه مش شرط تعيش
ما انت فى مصر ....ام الدنيا وام الدنيا بترضع عيش
ليست هناك تعليقات:
إرسال تعليق