................................. حق الناس دولا فين ..!! ...........
صورة حركت فيا المشاعر
خلتني اكتب وانا شاعر
إتوجع القلم وقال مش قادر
وعشان الأمانه نطق جواهر
صورة الناس المحرومين
ناس من شعبنا مظلومين
علي الهامش عايشين
في الواقع ليهم صوت
في صناديق الناخبيين
وحقوقهم في سكوت
وعنوانهم دول مساكين
إنتفض القلب حزين
يكتب إحساسه الدفين
بالذمة يرضي ده مين !!
لا حيوانات ولابني أدمين
لا غيطان ولا جماد ولا بساتين
ولا مكتوب في أي دين
ولا دساتير ولا قوانين
ولو عايش حتي بالدين
متبقوش فرجةلكل عين
نسوة في الشارع نايمين
خلاص مبقاش فيه ذمه
النخوة تهرب من الأمه
والعدل تبقي بس نغمة
تتقال وتتكتب عناوين
لا ليها حركه وأهي كلمة
مغلولة من الاف السنين
حق الناس دولا فين..؟
حق الغلابه المطحونين
حق الناس عند مين..؟
وكمان يموتوا في الطين
يبقي إذاي ح يرضي
علينا رب العالمين..!!!
.............................................
......... الشاعر حسن الشوان .......
ليست هناك تعليقات:
إرسال تعليق