"رساله إلي الحمقي"
كلمات/ #مصطفى_عقيلي
أنا واحد من المخاليق
بَشُقْ طريق
وليا في الحياه
أهداف
بفضل الله
بنيت روحي
بسابق حلمي
بطموحي
وعمري ماخاف
وأخاف من إيه؟!
وأنا تُكالي
علي الرحمن
وأخاف من مين ؟!
وأنا ما أذيتش
يوم إنسان
انا عندي
يقين بالله
وهوه مسبب
الأسباب
أنا عندي
يقين بالله
وغير بابه
ما بقصد باب
بابه للجميع
مفتوح
و انا بَعَافٍر في الحياه
بطموح
وهوه العاطي والوَهّآب
يامرضي
حتى في التفكير
كفايه ظلم ومزايده
ياحمقي
إن جاز التعبير
كلامكم ملوش فايده
بدعي ربي يهديكم
ياللي حِقدكم فيكم
بيغلي زي نار قايده
ليست هناك تعليقات:
إرسال تعليق