بنت البلد
على مين على مين على مين
على مين هتخيل ياجميل
ماتتشطرش عليا
ياما جه قبلك شاطرين
إللي يسبل بعنيه
وإللي ماددلي إيديه
واللي أليط ومفلس
وعاملي كاظم بيه
على إيه على إيه على إيه
على إيه ياسي كاظم بيه
على إيه يابني بتتآاالط
على إيه قول يابن الإيه
في الرايحة وفي الجاية
عمّال تتحنجل ليا
وتلعبلي حواجبك
وعاملي إبن الجنيّة
ماليش أنا في الحنجلة
ولا أحب الدنجلة
ولا ليا في الملاغية
ولا شغل الجلا جلا جلا
إهدى عليا شوية
وبطل شغل المرازية
ريّح نفسك يابني
كل دا مايخيلش عليا
إتاخر حبة إتاخر
ياعبيط م النوع الفاخر
وشوف بتكلم مين
أنا بنت بلد م الأخر
بقلم طارق السيد
ليست هناك تعليقات:
إرسال تعليق