(غيط أسية )
وحكاياتك لسه هي
حبة دايبة
وحبة عاتبة
عايشة فيلم وتمثيلية
كل يوم عاملين قضية
النهارده قولتي آسفة
وبعد منها الف كسفة
فيكي حاجة مش عادية
انتي فعلا بتهنيني
ولا غاوية تذلي فيا ؟
مردودالك ....اه وديني
يا أم عين غاويين أسية
لمي نفسك واستريحي
شيلي عينك من عليا
دمع عينك تماسيحي
بس قلبي ماهوش تكية
لو حقيقي بتعشقيني
كنتي عيشتي العمر ليا
ده لما كنتي بتحضنيني
كان في حضنك غيط أسية
#محمود_المزين
ليست هناك تعليقات:
إرسال تعليق