(★)احلي بدايه(★)
عدي يا مصر المحن
قومي علي حيلك
بايدينا نشيل الوطن
وننور بالشموس ليلك
ننحت صخر تاني
ونبني هرم عالي
لجل دنيا تحلالي
وامسحي جبيني بمنديلك
علمتينا الصبر يا بهيه
والطرحة لفتها تحليكي
واسمك بيرن باغنيه
يا مصر بروحي افديكي
يا ماليه قلبي حنين
وحاضنه اخواتي الصغيرين
وانتي ملو العنين
لو عطشانه بكفي اسقيكي
مين يقدر علي ولادك
اللي بينهم نجوم ف مجالات
ومين يقدر علي بعادك
اللي مهما يغيب مسيره آت
هييجي غالبه الشوق
نفسه مصر تعلا لفوق
لجل الضلمه بكره تروق
هربان من قبضة شتات
يتلم الولاد في احضانك
يصنعوا م الامل ضحكايه
يتعهدوا سوا علشانك
تنوري ليلهم بسهرايه
ويغنوا يا ليل يا عين
ويحني عرقهم الايدين
يحموكي من شر الخاينين
ودي هتكون احلي بدايه
الشاعر ..عادل عباس
ليست هناك تعليقات:
إرسال تعليق