حلم صغير
خاطرة / زينب سالم
حلم و كان جوة قلب صغير
كبر معايا بس قلبي إتغير
يا ترى يا أيام جواكي أسرار
و ألا القدر أوامره دي تحير
؟؟؟؟؟؟؟؟؟؟؟؟
ناس مسكوا فالدنيا كتير
فيهم بخلا و منهم ماله نظير
يفرتك فلوسه هنا و هنا بلا تفكير
لكن العاقل بس هو اللي أمير
؟؟؟؟؟؟؟؟؟؟؟؟؟
كلنا حلمنا بخاتم سليمان
كسالى و لا توبنا ماللي كان
نشوف اللي يقول إكسب يا غلبان
آدي سؤال و هتكسب و إنت خسران
؟؟؟؟؟؟؟؟؟؟؟؟؟؟؟
ليه بتلعبوا بكذبكم في دماغنا
ليه بتحسرونا بس على شبابنا
كل العقول وقفت عشان تحسب
كإن العمل ماله فايدة بحسابنا
؟؟؟؟؟؟؟؟؟؟؟؟؟؟
كان حلمنا زمان هو السعادة
إتغير جوانا صبح حسرة بزيادة
برامج غيرت حلمنا الصغير
أصبحنا تنابلة كلنا كالعادة
؟؟؟؟؟؟؟؟؟؟؟؟؟
راح زمان العلما راحت كمان السيادة
ليه ضاع الحلم و بقى الطمع جرادة
كل الأحلام نصب و إحتيال
نسينا كلام ربنا إن العمل عبادة
؟؟؟؟؟؟؟؟؟؟؟؟؟؟؟
كلمات / زينب سالم
٢٠١٧/٣/٢٧
ليست هناك تعليقات:
إرسال تعليق