جنون السرعة
ياعم السواقين
ماتدوسش على البنزين
ياما ناس بجنون السرعة
راحوا منا في غمضة عين
تعملي جن مصور
ترغي كتير وتحور
تخرج على سنجة عشرة
ترجع ياجميل متعور
ليه بس ياحلو بتجري
أسرع م القطر المجري
كدا خليت قلبي ياروحي
من خوفه ينط في حجري
أه يابن الإيه ياصاروخ
عرفنا إنك شمروخ
هدي السرعة شوية
خلاص قربت أدوخ
أنا خايفة عليك م السرعة
لتنط في قلب الترعة
أو يحضن صدر جنابك
جذع الشجرة الفرعة
ماتعيشي ياواد في الدور
خلي الطابق مستور
أنا عارفة إن إنت ياروحي
أصلا سواق حنطور
بقلم طارق السيد
ليست هناك تعليقات:
إرسال تعليق