(رسالة م الغربة )
يا بلادى يا تربة
ليه سيبتينا لغربة
مليانة بالدهاليز
حطيتى مية كربة
ورفعتى كام حربة
صبح الشباب عواجيز
يا بلاد يا نسيانا
كرامتنا متهانة
والغالى فينا رخيص
هو انتى سامعانا ؟
ولا انتى عشمانة
فى كام شعوذة وتعاويذ
ومخاوية كام جنى
وبتحلمى انى
عايش فى غربة عزيز
يا شيخة ما تحنى
ولا انتى مش منى
شكلك ما عادش لذيذ
كان ليكى مية بصمة
بقى بصمتك وصمة
وحبة كلام تهاجيص
ولساكى مبتسمة
وبترسمى رسمة
عاوزة تشوفينى عريس ؟
غورى جاتك لهوة
استاذ...... صبى فى قهوة
وفلاتى فيكى يهيص
بعتي وعلى سهوة
ازاى غريب يهوى
حبك ده حب رخيص
#محمود_المزين
ليست هناك تعليقات:
إرسال تعليق