.......ساعات........
بقلم الشاعر / سالم أبو موج
اوقات نعيش زي الهوي
من غير جناح ولاحتي ريش
اوقات نكون زي الغصون
اوقات نبيع اوقات نخون
اوقات حياتنا متسويش
اوقات علي نفسك تهون
اوقات بتقتلنا الظنون
اوقات بندي ونيجي ناخد منلاقيش....
هوه كده طعم الحياه
ساعات.....ساعات
ساعات تفررح ساعات تجررح
ساعات بتزرع جوه قلبك الف ااااااه....
ساعات تخدنا الذكريات
ونحن للماضي الي فات
ونشوف حياتنا وحلمنا
ف حبه حاجات
هو كده طعم الحياه
ساعات....ساعات...
ساعات نكون وسط السما زي القمر...
ساعات بنظلم ساعات بيظلمنا القدر.....
ساعات تحس بان قلبك راح ومات...
هو كده طعم الحياه
ساعات ساعات
سالم ابو موج
ليست هناك تعليقات:
إرسال تعليق