بوح القلم
بقلم الشاعر / محمد البلاظ
بوح القلم وصف الصنم بألف وصف بيوصفه
قال عنه انه محترم ومفيش غلط بيجرفه
قال انه رميوا وشهريار
قال انه قيس وحبه طار
قال انه طير طار فى السما
وعاصى ينزل لمطار
قال انه ضى فى ليل حزين
و شعاع شمس النهار
لو حتى كهل او عليل
ولو حتى مشواره طويل
ماسك عصاه عارفه الديار
قال ألف قول والقول كثير
قال انه ملك من السما
قال انه فى الارض فقير
وفى حضنى جالى واترمى
قالى حكيت عنك كثير
جايز تحس بحبستى
وتعرف بأنى بقيت اسير
شايفك على اعتاب الزمن
ماسك بكاس الصبر منه بتتحنى
وعنيك تقلب فى البشر
محتار منين هتبتدى
فى اللى ظلم ولا اتظلم
ولا اللى تاه واللى اتعصر
ولا فى ست مدلعه
ماشيه فى طريقها مولعه
على خلق الله بتعتدى
قول وابتدى ولا حاسس انه خطر
وتمجدوا فى اللى حكم وبتنصروا المعتدى
قول يا صنم قول وابتدى واركب قطار وانوى السفر
واعمل خطوط ورقك طريق بس ابتدى
وانصر كلام الحق لو راح تتعصر
وخلى ضميرك مرشدى
قول وابتدى
قول يا صنم
بقلم محمد البلاط
ليست هناك تعليقات:
إرسال تعليق