......يامه وحشتيني......
بقلمي....سالم ابو موج
--------------
من كام سنه يامه قلبي مقلهاشي
عايش بينزف ...دموع
مش لاقي سكه رجوع
وقولته يرجع وهوه .....مرضاشي
حاسس ف شوقه بجوع
محتاج لحنيتك تطفيله نار الضلوع
بين العروق يامه دمي مهوش ماشي
..........يامه وحشتيني.........ً...
يا كل ايامي يا فرح احلامي
يادنيتي وديني
من وسط كل الناس وبمنتهي الاحساس
ربك موصيني
قلهالي في كتابه ووقفت علي بابه
ودعيت وقولت ياربي عند امي وديني
فاتت سنين يامه ولدعوتك ناسي
حسيت كده يامه اني بقيت عاصي
علي كل لحظه نسيتك محتاج تربيني
فاكره زمان يامه لما ضربتيني
وفضلتي تبكي يا امي ولا همني دمعك
والقلب مليان اسي حتي مهوش سامعك
واشخط واقول اضربي
قوليلي يامه صحيح ايه الي كان منعك
من كتر حنيتك بين الضلوع يامه فجأه اخدتيني
كنا عيال يامه وكبرنا وسط الزمن
ودقنا طعم المرار وعرفنا شكل المحن
وعرفنا انك ملاك بين التراب اندفن
محتاج دعاكي يا امي محتاج تسامحيني
محتاج اقولك وانا شايفك وحشتيني
بقلمي....سالم ابو موج
ليست هناك تعليقات:
إرسال تعليق