لسه بدرى
بقلم الشاعر #فهمى_على
------------------
لسه بدرى
كان حقيقى لسه بدرى
حلمى يدبل او يموت
كان حقيقى شوفت فجرى
رغم انه كان سكوت
بس روحى غصب عنى
يا حتة منى فيكى عاشت
و الوجع فجأة خاصمنى
و الاهات بهواكى باشت
كل حاجة كت بتحلا
لما كنت باشوف عنيكى
و التتقينى رغم بعدك
و المسافة سكنت فيكى
كان حقيقى لسه بدرى
يا حتة منى انك تسيبنى
او تغيب ... و تفوتنى وحدى
مين فى بعدك ... هيعاتبنى
مين هتلمس ايده خدى
و ابقى فيه و يقول واحشنى
مين هاقوله انت حبيبى
و احضنه ... القاه عايشنى
كان حقيقى لسه بدرى
ابقى ضايع جوا روحى
و انسى معنى كل كلمة
و ابقى بس يدوب جروحى
و الحنين جوايا يقسى
و الاهات جوايا تكتر
و ابقى واحد تانى غيرى
كل شئ جواه مكسر
ليست هناك تعليقات:
إرسال تعليق