ياااا ربى
بقلم الشاعر
----------------
يا ربى يا مطلع ع الحال
يا خالق كل شئ بجلال
انا تايه فى دنيا الناس
و جوا منى الف سؤال
جميعهم ... هو ليه الخوف
و ليه النفس مش بتشوف
و ليه العدل مش منصوف
و ليه الحق مش يتقال
و ليه سير الخطاوى بطئ
و ليه الظلم اسهل شئ
و ليه سكك الحياة بتضيق
و ليه مش لاقى راحة البال
و ليه دايما انا مخنوق
اقدم حلو الاقى السوء
و لحظة لما تيجى تروق
الاقى الحمل فجأة مال
كتير يا ربى باتحمل
و لا فكرت اتجمل
و ادارى الجرح و باكمل
و صابر و الليالى طوال
باطبطب ع القلوب بشويش
ما باحسبهاش كما الدارويش
و عشمان بس انى اعيش
و اكون جوايا مش رحال
الهى ... و انت اعلمبى
يا شايف كل متخبى
انا محتاج تكون جنبى
و تهديلى يا رب الحال
ليست هناك تعليقات:
إرسال تعليق