بقلم الشاعر #عمرواللمعي
من بنت في الشارع...
اصل البنات انواع
والجنس ده شئ بارع...
في بنت بتمشي تتغندر
وبنت بتمشي تتسنتر
وبنت بتمشي تتدلع
وبنت بتمشي تتمايع...
في بنت بتمشي مخطوفه
وبنت بتمشي مكسوفه
وبنت بتمشي مخبوطه
من واد جرحها وكان بايع...
في بنت رقيقه.... طبيعتها....
وبنت اميره..... دي في بيتها....
وبنت تجيب لابوها العار
علشان مقصوفه رقابتها....
في بنت من بنات الحور
تزيد الشمس نور على نور
ولما يجي عليها الدور
متتقدرش شبكتها....
بكنوز الدنيا سمعتها
في بنت من بتوع الموضه
وياما شوفت منها كتير.....
اخرها بوسه مشبك في اوضه
او قعده حلوه في التحرير.....
في بنت تجيبها باشاره
وبنت تجيبها بعماره
وبنت مفيش صناره
تصطادها بيها ياكبير.....
في بنت سحرها خطير
في بنت بالتزوير
في بنت تتجوزها
في بنت تمشي معاها.....
في بنت تحس بوزها
شقه بلاكيه دهناها.....
في بنت ماشيه معاها
في بنت تشوفها تتجنن
في بنت الله يحنن
عاللي هيكمل معاها......
في بنت عايشاها
في بنت تاخدها معاك
في اي مكان تشرفك
في بنت لو حبتها
وجالها عريس ولاتعرفك
في بنت نسياك
وبنت ناسيها
وبنت لو تعرفها
بالخير هتسقيها
في بنت غداره
في بنت نواره
في بنت لو عريانه
ربك يغطيها..........
دي البنت لوحه فنيه
متعاصه شويه زيت
لو فاكر انك فاهمها
صدقني تبأه عبيط
#عمرواللمعي
ليست هناك تعليقات:
إرسال تعليق