أقصانا ده مسجد مش هيكل ده قبله لكل الأديان
عايزينه يتحول معبد ليهودي خاين وجبان !!!!!!
يا قدس ياأرض الانبيا حقك راجع مهما إن كان
لو حتلومي علينا ده حقك ما هو ولى زمن الفرسان
دلوقتي مافيش غير مصلحتي وعروبة إيه ! كان ياما كان
والظلم خلاص أصبح عاده موجود هنا وف كل مكان
اتعودنا عليه من بدري أصله صاحبنا بقاله زماااااان
والخوف اتملك ضمايرنا ومشينا جمب الحيطان
عايشين بنخبط في الدنيا والكل تايه حيران....
وماحدش شايف ف مرايته غير نفسه ومن غير عنوان
ناسيين إن الدنيا دي دايره وبتضوي بكل الألوان
لو فاكر نفسك ف أمان ...خد لفه ف كل الأزمان
انا مش بتكلم عالفاضى ومافيش نار من غير دخااان..
لو مااقدرتش تبقى معاهم حاول حتى تكون إنسان. ..
حاول ترفض كل هواااان. ...
أمسك مصحف أفهم ايه من القرآن..
إعرف ليه الدنيا اتخلقت وبعتنا ليها الرحمن
ساعد غيرك يمكن بكره يكون لك واحد م الأعوان
دور في قاموسك واتعلم إيه معنى كلمة أوطان
أصل الظلم ده نفسه قصير والحق حيظهر ويبان
والقدس حتفضل عربية وحنسمع للاقصي آذان .ولاء ضيف.
ليست هناك تعليقات:
إرسال تعليق