اشي اشي حياتنا كلها بقت حلبنتيشي
اسمع يا بني شوية شعر حلبنتيشي
وان ماعجبش روح متجيشي
حطة يا بطة يا دقن القطة
عمك شطة نام واتغطى
وفي دماغه حاطت خطة
صحي م النوم قام واتمطى
راح ع البوسطة
قبض معاشه
كم لحلوح وشوية فكة
دكو في جيبة
راح ع السوق لقى أسعاره
نطت نطة وخمسين نطة
حس بصدمة
ومن الصدمة جاتلو زغطه
شاف دكان راجل غلبان
سألو سؤال بعد تحية
ألقيش عندك طاست الخضة
بص له يابني حتت بصة
سابه يهاتي وراح يتوضى
روح فاضي عمك شطة
لا في ايده كيس ولا شايل شنطة
راح على بيته يكلم نفسه
كان في هنا حتة جبنة
راح أغمزها بحتت لقمة
بص عليها
كلتها القطة
حظه تعيس عمك شطة
لا معاش للمصاريف غطى
والأسعار شفطته شفطة
حتى الجبنة كلتها القطة
وأدي حكاية عمك شطة
حطة يا بطة يا دقن القطة
صلاح منير
02/10/2017
ليست هناك تعليقات:
إرسال تعليق