لو عندك قيراط حظ
احسن من فدان شطاره
حرف بيجري خلف حرف
فنجان قهوه وي السيجاره
نقول كمان
اسمع ياابني انت وهو
مش كل ماينقش حرف
بيبقي شاعر
ولا كل من باع حبه مشاعر
بيبقي في سوق الغرام تاجر
الخلاصه وبساطة
مين بيعرف يرسم قلب
جوه الضلوع مش علي الجدار
مين بيعرف يحس حب
يكتب دموع
يخلي ليل حبيبه
ديما نهار
يضحك بدمعه
وان احتاج حبه حنان
يشتاق لحضن امه
ياجماعه الخلاصه جوانا احنا
مش يادوب حرف
ولاورده مدفونه بكراس
ولا كلمه بحبك تساوي
من غير وفا
وصدق نيه بإخلاص
الخلاصه وبساطة
حبه مشاعر
وحبه حنين
قبلهم الصدق في الإحساس
احمدعبدالحق
ليست هناك تعليقات:
إرسال تعليق