صبيه
عبدالمنعم عدلى،، مصر
صبيه حلوة
فى جمالها
خطبها كتير
عاشقين ومغامرين
عاشق ومفتون بجمالها
مغير فى مقبرة
رايحة وجايه
يابنت المعز ياغاليه
ترابك وشم على الجبين
وصورتك فى القلب
تجرى فى الشرايين
ونبض الحياة فيك
صامدة وصابرة
وسهام الغدر
عليك مش قادرة
فيك ناس حلوة
من نيلك شاربة
طلتهم كالسماء الصافيه
وناس تانيه
معجونة بطينة نيئه
من رشاح الجيفة النتنة
وإنت يامصر غالية
عروس كل الدنيا
والكل طمعان
فى صبية حلوة
ومستكترين رباط أهاليك
كيدى يامصر العدا كيدى
وبالحنة الخضراء
زفى شهيدك
مسيحى .. مسلم
الكل واقف على ترابك
بيغنى أناشيدك
بلادى بلادى
لك حبى وفؤادى
ياصبية وحلوة
وجمالك غنوة
يتغنى بيها محبيك
وياسين شيلك
جوة العين مداريك
خايف عليك
من حسد حاسد ولاحاقد
يلف حواليك
وفى يدة
صولجان الحرية
حتى لو راح دمة
فداء عنيك ياصبية
هيجى ألف ياسين بعدة
ويخاف عليك
بقلمى عبدالمنعم عدلى
ليست هناك تعليقات:
إرسال تعليق