...((( عربيه يا فلسطين )))
******************************
مع كل دمعه بتتولد
فى صوت حزين
مع كل شمعه بتتحرق
بتفوت سنين
نهرب فى حضن الانتظار
نسهر ندور ليل نهار
على كل إيد
حاولت تعيد
القلب جوه الجسم
تانى من جديد
إحنا اللى ضعنا ف بعضنا
لأ دا اللى تاه
من إيد عيالنا حُضننا
قبله وأدان
ياما شقوا جوه
ضلام ليالى فجرنا
لفى يا آه ودورى
على كل إيد
حاولت تعيد
القلب جوه الجسم
تانى من جديد
آدى إيد صبيه وحلمها
معقود ضفيره فى شعرها
اللى إتقتل مش قلبها
اللى إتسرق مش عمرها
دم ويا ناس ما هو هدر
لفى يا آه ودورى
على كل إيد
حاولت تعيد
القلب جوه الجسم
تانى من جديد
آدى إيد عجوز
تحت الشجر
حاضنه تراب
جذر الشجر
حلفت ما خافت
يوم خطر
حاربت بارود
بسلاح حجر
عشقت ترابها وأرضها
لفى يا آه ودورى
على كل إيد
حاولت تعيد
القلب جوه الجسم
تانى من جديد
ِحنَِى يا آه
ِحنَِى يا آه
على أُم فقدت إبنها
على بنت هجرت عُرسها
على شاب قام يكتب لها
إتحررى
ِحنَِى يا آه
هيعود صلاح الدين
ويوحد الملايين
وهتبقى تانى القدس
عربيه يا فلسطين
عربيه يا فلسطين
والقلب جوه الجسم
يصرخ يقول آمين
قولوا يا مسلمين
قولوا يا مسيحيين
قولوا معاه آمين آمين
آميييييييييييييييييييييييييييييييييييييين
******************************
الأديب الشاعر/ أشرف فؤاد السمادونى
ليست هناك تعليقات:
إرسال تعليق