قصيدتي بعنوان ( حكاية أمل )
يحكى أن
أن إيه
كان ياما كان
كان في ايه
كان في فارس
ماله الفارس
كان بيحب
اه وبعدين
كان بيحب
قولنا مين
أميره جميله
وراحت فين
راح لأبوها
يعمل ايه
راح يخطبها
طب حصل ايه
ابوها قاله
مهرها غالي
بنتي أميره
وقصرها عالي
قولت يا عمي
بس انا شاري
ونفسي اميرتك
تبقى حلالي
قالي يا شاطر
اجري بعيد
شوفلك حاجه
على قد الإيد
وإياك تحلم
حلم كبير
مش على قدك
وانت فقير
بص يا شاطر
اوعى تخاطر
بنتي أميره
وهجوزها
لحد أمير
انما انت
روح اتجوز
بنت فقير
واوعى تبص
فيوم للعالي
ولا تحلم
بأميره ليالي
موّت حلمك
وعليه دوس
علشان آخر
الحلم كابوس
قولتله حقك
انك ترفض
لكن مش
من حقك تحكم
يوم على حلمي
انه يموت
و انا من حقي
اني انا أحلم
ولا يوم هيأس
وهفضل اسعى
لتحقيق حلمي
لحد مموت
صلاح المغربي
ليست هناك تعليقات:
إرسال تعليق