مين يشترى نكدى
مين يشترى نكدى
لو حتى بجنيه صفيح
مين يستلف انسان
قلب بينزف الم مثل الذبيح
مين يشترى انسان بيفهم
والصحيح فى عينيه صحيح
يا عم ما تدقش يا عم؟؟
انت ليه قا لبها غم؟؟
انت مالك مثل ميت؟؟
لا بيحس ولا بيشم
طهقنا من غلبنا
وسكاتنا مثل البكم
ويوم مانتكلم نخاف
والخوف يلجمنا
نكدب ونرقص خفاف
ونصقفوا للهم
اما نشيد النفاق والكدب
حافظينه صم
اللى ما لهش كبير
يشترى له كبير
زى اللى حفر البير
طلع له من الارض دم
طب نعمل اية لو كبيرنا
امرنا نشرب سم....
............................................رشاد الدهشورى
ليست هناك تعليقات:
إرسال تعليق