في يوم #اليتيم فاكرك ياامي
#هي دي وصيه امي)
رافت يوسف
لما ماتت امي فجأه
وسابت الدنيا
وسابتني
روحي راحت م المفا
جأه
حزني في فراقها
قاتلني
مرة واحدة بقيت لوحدي
وجيه في لحظه اليتم
زارني
وافتكرت شريط حياتي
وذكرياتي من بدايه يتم
ابويا اللي في بدايتي
هجرني
ويوم مامات كنت باحبي
صوره باهته مش فاكرها
من سكات ومش
في واعيي
لان انتي كنتي ليا كل
حاجه وقلبك انتي كان
ضاممني
وعشت في طفولتي
وناسي ان يتمي مش
معايا والحنان والمحبه
اللي فيكي
معوضني
كنت امسك ايد اخويا
وانا راجع من دراستي
اشوف زميلي اللي في
الفصل ملازمني
يجري يمسك ايد ابوة
ويحضنه قلبي يدمع
شوفت حرماني
قاهرني
تقري وشي تقولي مالك
اقول مفيش عشان ياامي
متزعليش واكتم المر
في سري
واستخبي م الوجع جوة
حضنك تضمي فيا وانسي
كل شئ شاغلني
مانتي يامة معوضاني
عن ابويا وعن سنين
اليتم بيكي مانتي ايدك
كات تشيل
الحزن مني
كل شئ ليكي فاكرة
لسه عايش
جوة مني لسه فاكرة
لسه محفور جوه
نني
لما كنتي الفجر تصحي
تصحي فيا قوم وصلي
الصبح يابني خلي ربك
يرضي عنك كان الهي
وانتي عايشه عشانك انتي
كان فاكرني
كنا نتلم وخواتي ع الفطار
كنتي لمانا بحالنا الكبار
ويا الصغار كل ياواد
قوي عودك ايد بتدي لكل
واحد فينا لقمه .حب عشق
من حنانك كان
واصلني
كنت مع نور ربنا تدعي لينا
توصي فينا خد كتابك نمشي
ساعه الرقرقه والسما متزوقه
علي البحر نحفظ في الدروس
جو ريفي كان ساحرني
للشروق نجمع التوت م الشجر
نلمح الفلاح بطيبته وهو سارح
للغيطان بالمواشي والبقر
يطل ليا بابتسامه
وناظرلي
يدعي ليا روح ياابن فلان
يارب يوفقك اصل طيب
من ابوك ويرزقك
بالعلم دايما والنجاح
وبايديه وابتسامه
بيشاورلي
نلقي ف الوجه ابتسامه
واحنا راجعليك ياغاليه
تطبطبي بايديكي تدعي
للاله من عيون الناس
يصوني
كنتي في عنيا ملاك تجمعي
شجر الجوافه توزعيه
واللبن اللي بالايد تحلبيه
ع الجيران
خير لكل اللي في بلدك
تعرفيه تفرقيه اللي جواكي
ياامي من محبه للجميع كان
باهرني
كنتي بتوصيني دايما بالصلاة
وان ارضي في كل خطوة الاله
واني مااظلم حد ابدا في الحياه
بحر طيبتك
كان اسرني
كنت بالاخلاق تملي توصي فيا
وان اخويا في يوم ماابيعه لو اسي
او تاة ربيعه .وان ربي في كل امر
اني اطيعه واعمل الخير كل حين
وابتسامتي للجميع وع الجبين
واوعي لا لساني
يهني
كان يجينا الليل محني تجمعينا
تعشي فينا
لقمه ليا من ايديكي ولقمه
لاخواتي اللي جنبي وتنسي
نفسك كل همك ان
انتي تشبعينا
ياااه ياامي
لسه فاكرك رغم شيبي
ودمي فارق فيه وريدي
يوم مامتي
ماتت الفرحه ياامي
يومها حسيت اني وحدي
وان يتمي ابتدا وان فرحي
ماعاد هايجي
كل شئ اتخلي
عني
روحي ريحالك ياامي
غصب عني
صعب موت شايف الدنيا في
سكوت بعد منك وان ابنك
كان بحبل من وريدك اتقطع
وقت الفراق لحظه فاق شاف
وداعك وان حضنك مش
ضاممني
عمري ماهنساكي عمري
كل حاجه حلوة دايما
في حياتي
راح اقول للناس بحالها
اي حد راح سالني
هي (دي وصيه امي)
خلي روحك جنبي دايما ادعي ليا
سامحي فيا .دا انتي يامه نور عنيا
والفراق عنك المني
خلي بالك مني دايما
وانتي غايبه
سيبي روحك جنبي حارسه اللي
روحي فيها دايبه
لما نتقابل هاقولك اني
من غيرك لوحدي
واني بعدك يامه دايما
كان قاتلني
رافت يوسف
ليست هناك تعليقات:
إرسال تعليق