حبيب قلبي
ياحبيب قلبي ياكل ماليا
تعالى ورد الروح تاني فيا
روحي هربانة وحالفة ماترجع
إلا ياعمري ماترجع ليا
ماتحرمنيش يوم من رؤياك
أنا كل منايا ياقلبي رضاك
بتروح وتغيب ياأعز حبيب
وإنت عارفني ماليش إلاك
ياللي ماليش غيرك ماتسيبني
نار الشوق لك بتعذبني
عندي إستعداد أبيع الدنيا
ولاابيعك يوم يامدوبني
ياحبيب عمري ياأحلى ملاك
أنا بهواك ودايب في هواك
ومهما تغيب ياحبيب العمر
هقضي العمر انا بستناك
تعالى ياروحي أبوس في إيدينك
كحل عيني بنظرة عينك
عطشان قوي ومعاك المية
تعالى إسقيني وسدد دينك
ياما سقيتك حبي كاسات
تشرب وتقول من تاني هات
كل ماتشرب تعطش أكتر
علشان نبع الهوى شربات
هفضل كدا ياحبيبي أستنى
تيجي تاخدني معاك للجنة
جنة أحلامي الوردية
تتهنابي وبيك أتهنى
بقلم طارق السيد
ليست هناك تعليقات:
إرسال تعليق