معني الغرام
بقلم رمضان بر
عمري ما اظلم
او اهد حب عمري والغرام
لو صمتي مجافي
ف جبيني هتلاقي الكلام
ف نظره عيني
في وجودي
في بعادي
لما ينهش فكري الظنون
لما ادور فيك ع الجنون
لما الدفي ف البرد يهون
لما نور الشمس يختفي
والاقمار تسرح تخالف مدارها
والنجوم تتسقط من مكانها
وتلاقي الارض اتزلزل كيانها
قولي ان صمتي باع او حبي يخون
دلال العاشقين والرضا لحظه صفا
يحرق كل الظنون
إزاي تهوني وإزاي اهون
لما وجودي ف وجودك
وانت عندي جمال الكون
داوي صمتي بالكلام
داوي حيرتي باليقين
خلي نور الشمس تطلع م الجبين
نادي السهر وليل العاشقين
نادي القمر في بعادنا حزين
خلينا نرسم ع الزمان
ونكتب ف الديوان
ونخلد ف اسفار العاشقين
سطور من نور توصف كل الغرام
في صمت كان او حتي ف كلام
ما بين دلال وخصام ولقي وهيام
يفضل جوانا حب
يتحدي السكوت
يعيش الخلود
يتحدي الكلام
يتحدي الخصام والفصام
نعلم الناس معني الغرام
،،،،،،،،،،،،،،،،،
بقلم رمضان بر
ليست هناك تعليقات:
إرسال تعليق