(((انا العاصي )))
كأني تفاحة مقطومة
أو عود كبريت محروق
وجوايا آهة مكتومة
وبتألم ونفسي أروق
وروحي عايشة مهمومة
ومن الدنيا دي امتى حفوق
دا في آخرة وفي حساب
وفي أعمال وفي كتاب
ليه تاخدينا يا دنيا
على نار وعذاب
ونمشي وراء شيطانا
وننسى إنه شيطان كذاب
بيغويني على الشر
يخليني بنفسي انغر
ماأنا الواد اللي بهز الأرض
أنا الشاب
أن اللي هتكت مليون عرض
لأني ناسي إنه في حساب
أنا العاصي ومليان جبروت
على لحظة هروح وأموت
ولو صوّتُّم بمليون صوت
علشان ع الصراط أعدي وافوت
ما يعديني إلاّ عملي
هتوب واستغفر
ومن تاني هعيش على أملي
أصلي واصوم
وساعة الفجر لوحدي هقوم
وأنا بتوضأ بإيديّا
راح إمسح من الذنوب كوم
يروح الذنب يجي الخير
وإرجع أبيض بيوم وراء يوم
على الجنة أروح واطير
بصورة رايقة ما فيها غيوم
أنا العاصي
ومن دلوقتي مش عاصي
..رفضتُ الذنب
لأنه في جسمي سموم.
..... بقلم محمود فرج......
ليست هناك تعليقات:
إرسال تعليق