هابى فلانتَين:د.هشام الفقى
......................
هابى فلانتَين
له ألف معنى ويزيد بنين
والصبح هل وعيد وحب
ومعنى عيد لكل لُب
وقابلت ست طيبة
من ريف بلادنا الطيبة
وقولت لها هابى فلانتَين
ردت وقالت يا ولدى:
إحنا ناس بتوع زراعة وطين
يوم ما الزرعة يا ولدى تفلح
هو ده الفلانتِن
............
وقابلت عامل ماشى لشغله فى سكته
وقولت له هابى فلانتَين
رد وقال وإيده فيها عدته
الحب لينا حب لشغله وصنعته
وحفاظ على الرزق ولقمته
ساعتها بس هكون فََين
وهو ده الفلانتين
....................
سيبت الجميع ورُحت
وفى إيدى وردة ولونها أحمر
تقولش حصبه
وطول الشارع اللون بيكتر
ولميعادى بالثانية حاسبة
قلوب وحب والعمر أخضر
ولا فيه هموم ولا شىء يعكر
كلام ونظرة تقولش سكر
تسلم إيديه من قال ده عيد
وإختار ده يوم وفينا فكر
وربى يجعل أيامنا عيد
وكمان يزيد
قلوب وورد وحب أكثر
..............................
د.هشام الفقى
ليست هناك تعليقات:
إرسال تعليق