بسم الله الرحمن الرحيم
قلبى قناطر خيرية
.....................................
قلبى زى القناطر
نيل و جناين
و مهندس شاطر
تقدر فيه تعوم
و تقدر فيه تقعد
و ما تقدر عنه تصوم
لو سابك و بعد
قلبى زى القناطر
بيطيب كل خاطر
رغم انه شوية جريح
قلبى زى الماراجيح
تقدر تلعب بيه
تنزله و تعليه
قلبى بينسى الأسية
قلبى قناطر خيرية
مفتوح للجميع
للأصم و للسميع
رغم انه شوية جريح
تقدر فيه تستريح
قلبى قناطر خيرية
واسع و فسيح
قلبى كبير
زى محمد على
فيه خير كتير
للناس و ولى
رغم انه دخاخنى
و شوية مدوخنى
لكن دماغه حاضرة
و بيحب الدنيا خضرة
قلبى قناطر خيرية
بيحب كل مصرى
و كل مصرية
قلبى قناطر خيرية
قلب رئيس جمهورية
..................................
محمد أبوالمعاطى
ليست هناك تعليقات:
إرسال تعليق