العم سعيد أبو عزم شديد
نحكي لكوا حكاية عم سعيد
رجل قِيمة والصحة حديد
سهران طول ليله على القهوة
ومراته يا عيني تقول وتعيد
ما هي شغالة في المستشفى
علشان ما تجيب مصروف البيت
وهو قاعد يصرف ولا داري
باللي بيتعب واللي يعاني
ونايم ف البيت ولا شغلانة
والبيت عايز مصاريف ياما
فين النخوة يا عم سعيد
دا انت ما شا الله العزم شديد
ليه ترضى لنفسك بمهانة
قوم واتحرك شوف شغلانة
لجل ما تبقى في بيتك راجل
وبعملك تعمل لك قيمة
إنما تصرف شغل مراتك
وتفرتكهم على نزواتك
طب تحترمك قولي إزاي
وانت بتهمل في التزاماتك
اعمل واتعب لجل تلاقي
فرحة من أولادك ومراتك
بقلمي أمل صلاح
ليست هناك تعليقات:
إرسال تعليق