........... فكك ..........
بقلم الشاعر / كرم شحات
إزاى هتحب وتحلم
الدنيا تحن عليك
ويكونلك شغُل وبيت
له سقف وحيط تداريك
فكك وبلاش أوهام
وكفاية كلام أفلام
الحب دا شىء مش لينا
دا يا صاحبى علينا حرام
إحلم باللحمة وأولّى
لو نلبس هِدمة جديدة
والدولة دى تصبح دولةْ
حرية ودولة مجيدة
إحلم بالروس تتساوى
الحاكم والمحكوم
وبغير تدليس ونقاوة
العدل قانونه يدوم
فكك وبلاش أوهام
وكفاية كلام أفلام
الحب دا شىء مش لينا
دا يا صاحبى علينا حرام
إزاى هتحب وإنت
مش حاسس حضن بلادك
وف خيرها دا ليك أو لأ
أو حتى تفكر لحظة
توفيلها وتهدى جهادك
لو فيها يضيع الحق
فكك وبلاش أوهام
وكفاية كلام أفلام
الحب دا شىء مش لينا
دا يا صاحبى علينا حرام
# كرم شحات #
ليست هناك تعليقات:
إرسال تعليق