#حياة شاعر
بقلم الشاعر / أحمد شاهين
قالت لى أنا عمرى ( 1)
ما حكون لك
واحده من ضمن حريمك
أنا أنثى بمعنى الكلمه
كالعاده
وانا عاشق بحب كتير
وعندى العاطفه ولاده
ولا عمرى فى يوم
راح اقول واحده
تكفينى
وزى البحر فى زياده
هتاخدينى على عيبى
يا إما تروحى وتفارقى
ميدان الحرب كالقاده
..................... ( 2)
أنا عصفور
لا تمنعنى
حواجز سور
عن الأشواق
وعندى العشق
دا عباده
لا عمرى فى يوم
راح أتغير
ولا واحده فى يوم
تقدر تخلينى
أبات مهموم
لأن العشق
دا سعاده
...................... ( 3)
وقالوا عنى قال
عصفور
تملى يلف ع الأغصان
ويتباهى ببنات الحور
ولا عمره فضل
فى مكان
وكل يوم مع واحده
وتانى يوم يشوف
غيرها
تحبه بكل جوارحها
وتفتكر إن دا
طيرها
يغيب عنها وينساها
يشوف غيرها ويهواها
مسافة يوم
ما هو غرقان
فى بحر هموم
ولسه ياما هيدور
وعمره فى ما يتغير
..................... ( 4)
ولو سنى وصل سبعين
هيفضل قلبى زما هوا
لشاب عمره فى العشرين
وجواه الهوى قوه
على عكاز صحيح محنى
وبمشى الخطوه بالقوه
لكنى لو لمحت جمال
بقول الله
حقيقى البنت دى حلوه
.......................... ( 5 )
أنا شاعر وكلمة حق
مبدوره لكل الناس
عايز تقران إقرانى
ما انا إحساس
لكن أوعا تقول عنى
بإنى قدوه أو نبراس
أنا إنسان وجوايا
كتير أخطاء ككل الناس
لكن برضو أنا معطاء
وهبت روحى للكلمه
وللإحساس
وممكن أعيش حياتى
وأموت
وبرضو تفضل الأنفاس
فى كلمه ولا تغريده
فى غنوه ولا فى قصيده
بتوصل
جوا قلب الناس.
#حياة شاعر
كلمات \ أحمد شاهين
16 \ 12 \ 2015
ليست هناك تعليقات:
إرسال تعليق