شعر عامى / قصيدة فازت بالمستوى الاول مكرر ...فى مسابقة من وحى الصورة
بقلمى انتصار سلامة
( وجع البعاد)
ليه يا حبيبى اخترت البعاد
وأنت عارف إنى بَعْدَك
أنا هعيش فى سُهاد
سنين حبى بتبكى عليك
والقلب اتكوى بالنهاد
كنت تقدر تعاتبنى
كنت تقدر تحاسبنى
وتسيبك من العناد
بس انت نسيت حنانى
نسيت هيامى واشتياقى
وقطعت حبل الوداد
وكمان أخترت تعذبنى
ببعدك عنى وتفارقنى
وهنت عليك وكأنى
تمثال حجر أو جماد
دموعى ملت بحور الأشواق
وفكرى شرد واحتار ليه البعاد؟!
بس قلبى فيك لسه عشمان
يمكن تحن وتفتكر الحب اللى كان
ماقلبى هو اللى اختارك
من بين كل العباد
لو أفتكرت لحظة صفا
الحب فيها كان النبع والمداد
كنت بعدت عن الجفا
ونهر الحب بينا زاد
أصل حبك ليا كان
كل الزاد والزواد
أمتى يا حبيبى ترجع
وتطوى بنا المسافات
من يوم بعدك وأنا عايش
رحالة فى كل البلاد
ليست هناك تعليقات:
إرسال تعليق