يا بتاع الصبر
بقلم الشاعر / محمد عبدالعزيز دراز
يا بتاع الصبر مين اقلك .. اننا مجاريح
والقلب اتباع من ناس غاوية .. شك وتجريح
يا بتاع الصبر اديني .. م الصبر كاسين
تطفي النار اللي بتنزل .. من دمع العين
يا بتاع الصبر اعذرنا ..احنا با عونا
وباعونا رخيص
والقلب الطيب كان عاشق
والتاني خسيس
يا بتاع الصبر اوصفلي دوا لجروحي
واسقيني الكاس اللي يقلل المي ونوحي
وكمان عرفني علي سكة .. ما فيهاش اشواك
امشيها وعارف اني اخرها ..مش هلاقاك
يا بتاع الصبر اوعي تسبني.ف مهب الريح
نار الشوق بتعذبني والقلب جريح
اسقيني الكاس وانا مش راجع
اسقيني الكاس كلي مواجع و
احلفلك دي اخر مرة
اتعرض للقصة المرة
واحلفلك علي كل كتاب
ما هسلم قلبي لكداب
واعمل لنفسي الف حساب
علشان ما اقف لكشي علي باب
يا بتاع الصبر رد عليه واقف ارجوك
قلبي بيبكي قبل عينيه وحياة ابوك
اسقيني الصبر وعلمني
ما خلي حد يألمني
وانا ارجع تاني من غربة
كانت هي الضربة القاضية
واعيش واتنفس من تاني
واكسر بالصبر احزاني
بقلم.. محمد عبد العزيز دراز
بنها .. قليوبية
ليست هناك تعليقات:
إرسال تعليق