........ حُب قلبى ..........
بقلم الشاعر / كرم شحات
حُب قلبى ونور حياتى
ياللى بيك حِليت حياتى
كل ثانية ف عمرى قبلك
إتمحت من ذكرياتى
ياحبيبى
ياحبيبى وكل ثانية
جمب منك دنيا تانية
دنيا أجمل دنيا أفضل
ياللى فيك كل حكاياتى
ياحب قلبى
حب قلبى مش هاخبى
إنت كل الكون دا عندى
إنت وحدك ويا حُبك
اللى فتْح ورد سعدى
يوم ما شوفتك
يومها بس
إبتديت أعرف
أحس
هى إيه
كلمة حبيبى
وإبتديت
أسهر ليلاتى
ياحُب قلبى
حُب قلبى عُمر قلبى
عاشها بيدور عليك
مين يصدق وإنت جمبى
بكرا هالل من عنيك
بكرا بيك
ومعاك هيجى
وإنت إيدك
حاضنة إيدى
قلبى يهمس لك
أحبك
ياللى مالك
كل ذاتى
ياحُب قلبى
# كرم شحات #
ليست هناك تعليقات:
إرسال تعليق