فضفضه....
بقلم الشاعر / الأثر - المفقود
الف ميت مليون حكايه
بينا لازم تتحكي
وانتي عارفه م البدايه
ان عمري ما هشتكي
بس محتاج لحظه منك تسمعيني
هو دا الوعد اللي كان بينك وبيني ؟!!
بتبعيني ؟!!
ليه قابلتي تكوني مرسي للخيانه ؟!!
ليه قابلتي تحطي عمري جوا خانه ؟!!
ليه في لعبه بتلعبيها تقتلي شعوري بمهانه ؟!!
غصب عنك تجرحيني
لما اعتبك ولا الومك توجعيني
صدقيني
عمري مأسي
عمري ما انسي
انتي شط لقلبي لما يحب يرسي
انتي دعوه ف ليل حزين
انتي فجر لبكره جاي
ايوه فجر لبكره جاي
شمسه بتبوس الايدين
انتي مهما آسيتي روحي
مش هسيبك يوم تروحي
اصل انا عاشقك وعاشق
غربتي فيكي وجروحي
انتي يابلدي الحبيبه والقريبه
رغم اني معاكي شوفت حاجات عجيبه
الا اني بحس فيكي حنان وطيبه
سيبك انتي م اللي قولته
عمري كله عشان عيونك ليكي بعته
دمي واتحنيتي بيه
عشقي فيكي
بحلف اني ف يوم ما خنته
لسه عاشقك
لسه عاشق ضحكه ف عيونك تطيب
خاطري لما احس منك جرح قاسي لقلب طيب
ليست هناك تعليقات:
إرسال تعليق