يا مه يامدرسه
بقلم الشاعر الكبير / جمال القياس
يامه يا مدرسه
من غير فصول
من غير كتاب
او اى اوراق للقبول
اللى عنده ام عنده كنز
اغلى من كل الكنوز
للى عايز يرضى ربه
ويكون له وسط الناس نفوز
واللى غايز يرضى ربه
يرضى امه اكيد يفوز
كنت لما مره ارجع
بعد سهره ويا الصحاب
تزعل تعاتب تقولى
اهى ليله عدت
ما فتحتش فيها كتاب
اغضب اثور ماخلاص
يا اما انا شنبى خط
لزمته ايه العتاب
ماكنتش تغضب كانت تميل
وفحضن دافى كانت تطبطب
وتقولى يا بنى مهما كبرت
فى نظرى عيل
غضبها كان علام
فرحها كان علام
عتبها كان علام
حتى الكلام كان علام
يا ملاك الموت سيبها
سيبها لى كمان شويه
انا لسه ما خلصتش علام
يا خساره يا كل الامهات
كل الولاد ناكرين الجميل
صدقونى غضبهم
حمل عالكتوف تقيل
ماتحسهوش الا بعد الرحيل
شعر عامى جمال القياس
ليست هناك تعليقات:
إرسال تعليق