ــ يا اسكندريه ليه ــ
ــــــ بقلم الشاعر سامى رضوان ـــــــ
اسكندريه وعطرها وورد
طارح فوق الشفايف عشقها
فلبى وحبها ولسانى من
حبها خايف لتوه مابين حواريها
وحيها والقلب فى وصفها عارف
هى الحكايه والأمل ونبض
شريان الحياه جوا الوريد عازف
اسكندريه اسكندريه ليا البلد
والمرسى ومينا على شطها
عمرى أنا يرسى ولو أقول
حبها تبقى الحياه نسمه
وأنا لسانى منها ما شبعتش يازمن
خلينى جواها أعيش عمرى
وأحلامى خلينى أرسم خدها
وأكتب على جبين ضيها اسمى وعنوانى
اسكندريه أرض الزعفران
وتراب حضاره كلها غفران
وان كنت بعيد عنها قلبى يسمعها
بألحنها وطرب ناسها على
استلى وأبو العباس على الكرنيش
مقدرش عنها أغيب هى الحياه
والأمل مقدرش ليها ماجيش
اسكندريه أمى والأم مليون
مدرسه متأسسه واللى رمى رملها اسكندر
اسكندريه ريف حضر باريس بندر
اسكندرية ريا وسكينه
اسكندريه فرحة أمل ساعات بتضحك
وساعات حزينه
اسكندريه ليه اسكندريه
لون البحر والموجه ساعة
غروب الشمس على
ضيها عمال مصانع مركبيا مينا
وسفينه فنار على ضى القمر
فى السما سارح لو مر
لون الليل لون فجرها طارح
اسكنديه انت وانا وابن
الجيران اسكندريه حب
وغرام أحلام وكلام أنغام
بين العشاق
اسكندريه زمن بيجر زمن
شايل قطوف الورد
وسط ميت مليون بستان
اسكندريه ماريا على كل
لون موجوده جويا
قصه وليها حكايه اسكنديه
طبع الحنان اللى فى عيونك
اسكنديه رندا على بحرها
وجمال عيونها وسحرها
اسكندريه مسجد كنيسه آذان
زحمه برحمه اتوبيس ترام وميدان
اسكندريه الأندلس نمسا مجر ويونان
فرنسا فى عشقها طفله
بتضحك بلون وردها
اسكندريه حاكم ومحكوم
ظالم ومظلوم مدينه
جوا مدينه حريه وسجان
اسكندريه شط وشماسى
وكراسي وصيادين سمك البحر ألوان
اسكندريه صدف دهب شعب مرجان
اسكندريه ليه اسكندريه حياه
ـــ يا اسكندريه ليه ـــــــ
ــــــ بقلم الشاعر سامى رضوان ـــ
ليست هناك تعليقات:
إرسال تعليق