،،تلاته وعشرين مقلب،،
بقلم الشاعر / فهد النحراوى
نفسي مره اشوفه مرتب
واخد على الاهمال وعادي
حاجه تخصه د امر محتم
بس اهماله قلب بذبادي
مع ترشي وحبه ليمون
والكمون اترش ولازم
يظبت راسه بالينسون
والمكتب بقى جوه كاتم
والاوراق ريحتها مخلل
والعملا طفشت من راسه
يا اخينا ونصح بيهلل
والمقلب تفصيل و مقاسه
د زمايلي تعبت ع الاخر
والكل بيطلب ف اجازه
سهل نصعب ليه ونتاخر
مقلب طازه يلا غلاسه
فهمت الزمله الترتيب
لجنه شديه وجايه تفتش
وبسرعه يلا التوضيب
اللجنه وصلت معلش
واخينا فنص هدومه
واتبرجل تايه ف الرد
اخر مره وبعدين لومه
معطر جو بوكيه ورد
وهارتب ورقي ودفاتري
المرادي نعدي سماح
هتكرر ع الخصم هتمضي
خد نفسه فاق وارتاح
والحال اتغير واتهندم
ونضافه قلبها تسليه
ويا باشا حاضر و يافندم
وتعيشي يا لجنه وهميه
بقلم فهد النحراوي
ايوه كده هلي ياروايح الورد
هو انت لسه شوفت حاجه
ليست هناك تعليقات:
إرسال تعليق