ساعات بنحلم
بقلم / الشاعرة المجهولة
=====
بنحلم بس أحلامنا
بتعيش في سكات
وبنتكلم
وياما الكلمة بتعلم
وتسكن فوق جزيرة
كلها أموات
وعيونا ساعات
بتسلم وتكتب حرف
بيتندم على اللي
فات
بنمشي خطوة
مظلومة
عايشة في الدنيا
محرومة
من فرح
حاجات
ونظرة نفسها
تبقى
تعيش الحلم
لو لحظة
وتسكن قلب
مش فارقة
يادوب لحظات
ساعات
نتمنى لو نسمع
لصوت مسجون
بقاله سنين
عايز يخرج
لقلب النور
عايز يحكي
عايز يشكي
كره يخضع
كتير أوقات
بقلمي ابتسام عوض حسن
ليست هناك تعليقات:
إرسال تعليق