بين السطور كلام
شعر / القلم الطيب
بين السطور كلام
والمفهوم اوهام
يا سلام لو نفهم
او نعرف ايه المكتوب
بين السطور الام ما تنكتب
قلم بينزف بحبره
طيبه ما تنوصف غير فى قلبه
اهو كله كلام
بس الحبر انواع
فيه الغالى وفيه الرخيص
الغالى فى الضياع
وما يفضل غير الخسيس
معلش اهو كله كلام
كتبت كتير اشعار
حروف من دهب
حزن وفرح ووطنيه
بس اللى صار
ان الكلام ما بقاش فيه الحنيه
اصل الحنية والطيبة بقت معيبة
لازم نعيش الاسية
لجل ما نتقدر ونتشال فوق الروس
ونمسح السطور
ونحزف الحروف
ولا نرد السلام
اصل ما بين السطور مش مفهوم
بيقولوا عليه اوهام
يا قلبى يا حزين لا تبكى
من كسر خاطرك
خاطره فى يوم هايبكى
وتحت السطر مليون خط
بس السطر تحت الخط ينحط
والايه تنعكس
اصل الكلام مش مفهوم
قوم يا قلبى نام وارتاح
ولا تفكر ولا تشكى جراح
كانت فى يوم حب
والخب بين السطور راح
نام وانسى
ولاةتأسى
ما تسمعش كلام الحروف
ولا تشوف
غير حرفك
اللى مكتوب بغالى خبرك
ولو حتى الحبر كان رخيص
بس المهم
انه يتفهم ما بين السطور
معلش اهو كله كلام زى الكلام
..........
القلم الطيب
ليست هناك تعليقات:
إرسال تعليق