أعيش إزاى أنا وعينى ..... دموع فيها بتكوينى .
وقبل مقول انا كلمة ........ مفيش ولاكلمةترضينى .
وقلت اكتب أناغنوة ........ عن الإخلاص تواسينى .
الليل بيطول علينا ......... واحنا ف ألم وأنين .
وجيراناماحسوا بينا ....... ولاسألوا إنتو فين .
لجراحنا ألم كاوينا ......... نزل دموع العين .
وألمنا بيه رضينا ............ وعلى العذاب صابرين .
سوا شئنا أم أبينا ........... جوارحنا مش قادرين .
وجيران لينا نادينا ......... عملوا إن مش سامعين .
والظلم يبان علينا .......... لو ف الفراش نايمين .
كانت الدنيا ف إدينا ........ ماكنا فيوم قاسيين .
وتدور وتلف بينا ............ نشكى لمين من مين .
بيفوت الليل علينا .......... واحناف عذاب عيشين .
وان رحنا والا جينا ......... هنروح لفين منين .
الهم كبر أو صغر ............ ع النفس بيئلمها .
وخسيس غلط ماعتذر .... للنفس يظلمها .
كل مكان فيه وفيه ........ فيه الشريف والسفيه .
ندل بيحلف يمين ........... قال عالأصيل دا جبان .
والخلق مش عارفين ....... إنه خسيس خوان .
هو بيحلف لمين ............. داللى إنحلفله مهان .
واكمنه من التافهين ......... بقسوة ظلم إنسان .
م الظلم نفس إشتكت ....... والدمع بان ف العين .
بالدمع مهما بكت ............. وسال على الخدين .
وقلوب حزينة ارتوت ....... بالهم سنين عيشين .
بصدق مشاعر هوت ......... من فوق جبال عاشقين .
بالغدر ناره إنكوت ............ قلوب كتير مخلصين .
ظلم وقسوة جنت ............ أفعال جناة شاهدين .
هجر بقسوة جنت ............. ولسة الجناة نيمين .
أشرف بيومى البديوى
ليست هناك تعليقات:
إرسال تعليق